Author Archive

Lítli vinur

Written by runa on 19/01/2012. Posted in Uncategorized


Fyri nøkrum døgum síðani fekk ABC barnahjálp hendan sangin til ognar frá Petur Háberg Jacobsen. Petur hevur gjørt bæði orð og lag og dóttir hansara, seks ára gamla Beinta syngur.

Petur sá eina sending um Liberia, sum rørdi hansara hjarta og hann skrivaði sangin, sum hann kallar Lítli vinur.

Hilda í Liberia

Written by runa on 07/09/2011. Posted in Uncategorized

Seinast í august fór Hilda aftur til Liberia, har hon eftir ætlan steðgar til 19. september.

Endamálið við ferðini er fyrst at hyggja eftir, um børnini hava tað gott og peningurin, sum vit senda, verður nýttur til tað, hann er ætlaður til. Eisini hevur hon skeið, bæði við børnunum og teimum vaksnu, sum taka sær av teimum.

Um arbeiðið í Senegal

Written by runa on 03/07/2011. Posted in Uncategorized

Jose og Marli við børnum sínum, Jemima, Zucki og Jonatas
Hjúnini Marli og Jose hava arbeitt í Senegal í 20 ár, so tey hava drúgvar royndir har. Tað eru tey, sum taka sær av arbeiðinum hjá ABC barnahjálp í høvuðsstaðnum Dakar, sum byrjaði í 2008.

Ein tími um árið

Written by runa on 25/06/2011. Posted in Uncategorized

Fríggjadagin 10. juni var Rúna Sivertsen og skrivaði undir avtalu við “Ein tími um árið” um stuðul. Tað var av allarbesta summarveðri henda dagin, so avtalan varð undirskrivað uttandura.

Børn, sum vilja hjálpa

Written by runa on 24/06/2011. Posted in Uncategorized

Hesi røsku børnini, sum ganga í 4. og 5. flokki í Hvalvíkar skúla,savnaðu fyrr í ár 2357 krónur inn til tiltakið Ein Tími um Árið. Pengarnir fingu seks børn hjá ABC barnahjálp í Liberia.

Hvussu tú kanst hjálpa børnum í neyð

Written by runa on 18/06/2011. Posted in Uncategorized

Føroysk stuðulsforeldur stuðla gjøgnum ABC barnahjálp 40 børnum og skúlaungfólki í Liberia.

Samrøða í Góðan morgun Føroyar

Written by runa on 15/04/2011. Posted in Uncategorized

Hósdagin 14. apríl gjørdi Góðan morgun Føroyar samrøðu við Rúnu Sivertsen og Hildu Viderø.

Samrøðan kann hoyrast á hesari slóðini:

http://kringvarp.fo/fo-FO/Archive_Articles/2011/04/14/ABC-pengar%20f%C3%B3ru%20til%20sk%C3%BAla%20%C3%AD%20Liberia.aspx

Skúlin fer ongan veg

Written by runa on 08/04/2011. Posted in Uncategorized


Peningurin, sum landsstýrið hevur latið til skúlabygging í Liberiaer nýttur at byggja skúla við. Tískil er eingin peningur farin fyri skeyti, sum tíðindasendingin í Degi & Viku í gjárkvøldið fekk tað til

Hilda aftur til Monrovia

Written by runa on 07/04/2011. Posted in Uncategorized

Leygardagin fer Hilda Viderø aftur til Monrovia í Liberia at vitja fittu børnini á myndini.

Framtíðin hjá børnunum er trygg

Written by runa on 14/02/2011. Posted in Uncategorized

Tað er eingin ivi um framtíðina hjá børnunum í Liberia, sum føroyingar longu í rúma tíð hava stuðlað gjøgnum ABC barnahjálp. Børnini ganga í skúla í Monrovia. Tey eru trygg og hava tað gott

Tíðindaskriv

Hóast ABC barnahjálp hevur rent seg í trupulleikar í sambandi við bygging av skúlanum uttan fyri Monrovia, er eingin ivi um framtíðina hjá liberisku børnunum, sum verða stuðlað av føroyskum stuðulsforeldrum.

Dimmalætting skrivaði leygardagin, at framtíðin hjá børnunum er óviss. Men tað er ikki rætt. Børnini fara framhaldandi at fáa stuðul frá ABC barnahjálp.

ABC barnahjálp hevur rent seg í trupulleikar í sambandi við byggingina av skúlanum, og hesar royna vit nú at loysa. Men líka mikið hvat endin verður av tí ósemjuni, so fer fer ABC barnahjálp framhaldandi at taka sær av børnunum og tryggja teimum góð lívskor, skúlagongd og útbúgving. Børnnini búgva í góðum leigaðum hølum og ganga í skúla í býnum. Seks vaksin fólk eru um tey og taka sær av teimum og ABC barnahjálp hevur samband við tey dagliga. Hilda Viderø er settur leiðari fyri verkætlanini í Liberia. Hon vitjar javnan í Monrovia fyri at tryggja, at børnini hava tað gott og at peningurin verður brúktur til tað, sum hann er ætlaður til.

Endamálið hjá ABC barnahjálp er fyrst og fremst at útvega fátækum børnum í menningarlondum varandi hjálp við skúla, útbúgving og læknahjálp. Og hóast vit hava rent okkum ímóti, so sleppa vit ikki endanum av tí orsøk. Í løtuni stuðla føroysk stuðulsforeldur 34 børnum og ungum í Monrovia í Liberia og umleið 80 børnunum í Dakar í Senegal.

Nú er lætt at stuðla

Ring 90 56 05 og
tú hevur latið kr. 100
til Føroysku barnahjálpina

Tú kanst eisini stuðla við at nýta PayPal knøttin í bjálkanum omanfyri

Konta í Norðoya Sparikassa
9865-103.480.9