Author Archive

Ein tími um árið stuðlar ABC barnahjálp

Written by runa on 06/02/2011. Posted in Uncategorized

 

 

 

 

Aftur í ár fær ABC barnahjálp stuðul frá átakinum, Ein tími um árið. Tað verða seks børn í Liberia, sum fáa stuðulin. Ì fjør fekk ABC barnahjálp útvið 65.000 við hesum einastandandi tiltaki

 

Tíðindaskriv    

                                                                                                   

Átakið Ein tími um árið hevur nú gjørt av, hvørjar verkætlanir tey ynskja at stuðla í ár.

Tær fyrstu 30.000 krónurnar í tímalønum fara til Rumenia verkætlanina hjá Tekniska Skúla við Bjarna Prior. Næstu tímalønirnar fara til “okkara” børn í Liberia, sum ABC barnahjálp, sum tekur sær.

 

Av ávísum ørsøkum eru fimm av teimum seks børnunum, sum ABC barnahjálp í fjør valdi út at fáa stuðulin frá Ein tími um árið, ikki longur undir veingjabreiði ABC barnahjálpar. Bara 13 ára gamli Wilfred er eftir. Tí hevur verið neyðugt at velja fimm onnur børn og ung út, sum nú njóta gott at stuðlinum, sum kom inn í fjør frá Ein tími um árið. Stuðulin í fjør var yvir 64.000 krónur. Hesin stuðul kom sera væl við hjá ABC barnahjálp.

 

ABC barnahjálp harmast um børnini, sum vit ikki longur náa, men vit gleðast um tey, sum vit hava møguleika at hjálpa. Børnini og tey ungu undir veingjabreiði ABC barnahjálpar hava tað gott og trívast væl. Tey eru ógvuliga glað og takksom um hjálpina, tey fáa úr Føroyum.

 

Stuðulin, sum kom inn frá Ein tími um árið í fjør røkkur til seks børn í umleið 2½ ár. 

 

Børnini búgva í góðum íbúðum í Monrovia, sum  ABC barnahjálp leigar. Tey hava tað gott og trívast væl.

 

Tey smærru børnini rokna við verða hjá ABC minst 10 ár. Tey størru fara helst at klára seg sjálvi nakað fyrr, men vit vænta at tey verða longur enn 2½ ár. 20 ára gamla gentan skal hava eina útbúgving, men enn gongur hon í skúla.

 

ABC barnahjálp ansar væl eftir, at allur stuðul verður nýttur til rætta endamálið. Hilda Viderø vitjar javnan í Liberia. Í fjør var hon tvær ferðir og vitjaði børnini og aftur í januar í ár var hon í Liberia í eina lítla viku. Ætlanin er at vitja aftur í Liberia einaferð í summar.

 

ABC barnahjálp takkar hjartaliga fyri stuðulin og ynskir Ein tíma um árið góða eydnu við tiltakinum.

 

Les meira um átakið Ein tími um árið á www.eintimi.com

 

Myndatekstur:

 

Tey seks børnini og ungu, sum Ein tími um árið stuðlar.  

Frá vinstru:

Blessing Andrew, fyllir 11 ár 1. mai.

Marthalyn Juasemia, 20 ára gomul.

Wilfred Johnson, fyllir 14 ár 15. juli

Rachael Clarke, fyllir 11 ár 27. februar

Eddie Blayee, fyllir 5 ár 26. apríl

Jacob Blayee, fyllir 5 ár 26. apríl

 

Stuðla barni í neyð – ger mun í dag

Written by runa on 03/05/2010. Posted in Uncategorized

 

 

 

 

Fyri minni enn 7 krónur kanst tú geva einum barni eina framtíð.

 

Sum stuðulsforeldur ert tú við til at hjálpa einum barni, sum annars ongan møguleika hevur at fáa skúlagongd.

 

Tú kanst geva einum barni tað, sum øll børn hava brúk fyri, umsorgan, kærleika og eina framtíð.

 

DRÁLA ikki, men ring til okkara í dag á telefon 222585 ella 282585.

 

www.barnahjalp.fo

abc@barnahjalp.fo

 

Uttanríkisráðið gevur ABC flugunet

Written by runa on 25/04/2010. Posted in Uncategorized

Altjóða Malariadagur er í dag, 25. apríl. Tað er Heimsheilsustovnurin undir Sameindu Tjóðum, WHO, sum hevur samtykt hetta. Føroyar taka lut í hesum átaki við at varpa ljós á sjúkuna malaria. Hetta verður gjørt við at lata flugunet, – eisini kallað moskitonet, til skúlaungdómar í Liberia, Ghana, Sierra Leona og Kambodia. Talan er um fýra ymsar menningarverkætlanir, har føroyskir hjálparfelagsskapir virka saman við Uttanríkisráðnum.

 

Endamálið við tiltakinum er at fyribyrgja malariasjúkuni, sum verður borin gjøgum flogkykt.
Hvørt ár fáa um 500 milliónir fólk malaria og meiri enn ein millión fólk doyggja av sjúkuni. Av teimum eru flest fátækar kvinnur og børn. Nógv verður granskað í sjúkuni, sum eisini hevur álvarslig búskaparlig árin, men enn er ikki eydnast at gera koppingarevni ímóti sjúkuni. Sjúkan rakar harðast í Afrika, men fólk í Asiu, Miðeystri, Suður Amerika og í pørtum av Evropa verða eisini rakt.

Hetta er triðja árið, at Altjóða Malariadagur er. Dagurin verður hildin runt um allan heim, har ljós verður varpað á evnið við ráðstevnum, fyrilestrum og øðrum upplýsandi tiltøkum

Stór gáva frá Ein tími um árið

Written by runa on 18/03/2010. Posted in Uncategorized

Mánadagin fekk ABC barnahjálp útvið 60.000 krónur frá hjálparfelagssskapinum Ein tími um árið.
Ein tími um árið er nýggj verkætlan, sum byrjaði sína fyrstu innsavnan 1. februar 2010.

Verkætlanin Ein tími um árið er ein hjálparfelagsskapur, ið byrjaði í Føroyum í juni 2009. Hugskotið aftanfyri er, at Ein tími um árið savnar inn tímalønir og letur hesar til ein viðurkendan hjálparfelagsskap. Hvørt ár velur Ein tími um árið ein nýggjan hjálparfelagsskap og virkar sostatt sum undirleverandør til hjálparfelagsskapir.

Fyrsta innsavningin hjá Ein tími um árið eydnaðist serstakliga væl. Inn komu smáar 100.000 krónur. Av hesum fekk ABC barnahjálp 57.448,00.

Peningurin fer til seks foreldraleys børn í Liberia, sum við hesum fáa skúlagongd í hálvttriðja ár.

40.000 krónur fóru til Kirkjuliga Heimamissiónina, sum stuðul til eina fátæka ommu í Kambodja og hennara 7 ommubørn.

Stigtakari til Ein tími um árið er Ása Andreasen. Hon hevur fingið nógvan stuðul og sparring frá eitt nú systur síni Anniku Andreasen og øðrum.

ABC barnahjálp takkar Ásu og hjálparfólkum hennara so hjartaliga fyri stuðulin. Tað er so gott at fáa eina hjálpandi hond, og ein slík hjálp, sum hendan, ger veruliga mun hjá ABC barnahjálp.

Myndina tók Jens Kristian Vang, myndamaður hjá Sosialinum, tá avtalan um peningin varð undirskrivað á skristovuni hjá Synergi seinasta mánadag. Frá vinstru, Heri Kjærbo, Kirkjuliga heimamissiónin, Rúna Sivertsen, ABC barnahjálp og Ása Andreasen, Ein tími um árið.

Síggj prát við Ásu her.

Ein tími um árið stuðlar ABC

Written by runa on 10/01/2010. Posted in Uncategorized

Stuðulsátakið Ein tími um árið hevur gjørt av at stuðla ABC barnahjálp í ár. Hugskotið til verkætlanina kom er frá 2004, tá stóra flóðaldan rakti stóran part av londunum í Stillahavinum. Stigtakari til verkætlanina er Ása Andreasen. Hon hevur fingið nógvan stuðul og sparring frá eitt nú systur síni Anniku Andreasen o.ø.

Á heimasíðuni hjá Ein tími um árið, skrivar Ása millum annað: Eingin stór vanlukka er hend júst nú, men støðan hjá stórum pørtum av fólkunum á jørðini, er framvegis vánalig. Sera vánalig. Vit orka bara ikki at hugsa um tað. Um man mynda-googlar td. “poverty+child”, so kemur man fram á sera óhugnaligar myndir. Ein eg kom fram á, var av einum eittára gomlum barni, ið lá á vegnum. Púra niðurundirkomið, orkaði ikki at flyta seg. Eini 2-3 metrar harfrá, stóð ein stórur gribbur, bíðaði til tað var serverað….. 

Víðari sigur Ása: Ein tími um árið er ikki tíðarkrevjandi. Tað tekur faktiskt nærum onga tíð. Tankin er, at tú skalt bara fara til arbeiðis, gera tað tú ert best til, gera títt arbeiði. Tann eina tíman um árið, er so hugsanin, at lønin skal fara til ein hjálparfelagsskap. Tað er hetta verkætlanin “Ein tími um árið” gongur út uppá. Fyri at fáa nógv fokus á verkætlanina, fyri at fáa so nógv fólk við í verkætlanina og harvið fyri at fáa so nógvar pengar inn sum gjørligt, er tankin, at vit øll skulu arbeiða tann sama tíman fyri verkætlanina.

Les meira um verkætlanina á www.eintimi.com

ABC baranhjálp sigur Ásu og átakinum Ein tími um árið hjartaliga takk fyri stuðulin.

 

 

Stuðla barni í Liberia

Written by runa on 30/09/2009. Posted in Tíðindi

Skúlabyggingin í Liberia gongur framá og nú búgva um 100 børn á ABC heiminum. Arbeitt verður við at fáa fyrsta byggistig av skúlanum liðugt í heyst. Niðanfyri er ein mynd av øllum børnunum sum var tikin uttanfyri skúlabygningin í septembur 2009.

Fleiri nýggj børn eru løgd afturat hópinum og hava hesi børnini eisini brúk fyri stuðuli. Les meira um hesar møguleikar inni á síðuna “Stuðla barn í Liberia”.

ABC søkir hjálparfólk á ólavsøku

Written by runa on 17/07/2009. Posted in Uncategorized

Á ólavsøku og vikuskiftið frammanundan, fer ABC barnahjálp at hava ein pylsuvogn standandi við Áarvegin, har Tinghúsvegurin byrjar.

Ætlanin er at selja pylsur og sunkist. Allur vinningurin fer til raksturin av ABC barnahjálp og stuðul til verkætlanirnar í Liberia og Senegal.

Í hesum sambandi hava vit brúk fyri fólki, sum kunnu hjálpa til við at selja. Hvør vakt verður væntandi umleið 3 tímar og koma tvey fólk at vera á hvørjari vakt. Ætlanin er at hava opið nakrar tímar fríggjakvøldið, leygarkvøldið og sunnukvøldið fyri ólavsøku, og síðani ólavsøkudagarnar.

Øll, sum hava hug at hjálpa til kunnu senda eini boð til ABC barnhjalp á andrea@barnahjalp.fo við upplýsingum um navn og fartelefonnummar. Um tit hava serlig ynskir um nær tit vilja selja ella aðrar spurningar, kunnu tit viðmerkja tað.

Tey, ið tekna seg, fáa boð áðrenn ólavsøkuna, um nær tey skulu møta.

ABC barnahjálp

Ársfundurin 2009

Written by runa on 25/05/2009. Posted in Uncategorized

Ársfundurin verður í Miðlahúsinum mikukvøldið 27. mai klokkan 19.30

Skrá:

Ársfrágreiðing og myndafrásøgn frá ferðini í Liberia.

Tórhild Bjarkhamar luttekur við sangi.

Eisini verður møguleiki at tekna seg sum stuðul hjá barni.

Eftir fundin fæst ein drekkamuður og okkurt gott afturvið.

Øll eru hjartaliga vælkomin.

Stórfingin stuðul

Written by runa on 09/05/2009. Posted in Uncategorized

 

Vegna CRUDEC (Care for Rural and Deprived Children) og ABC barnahjálp ynskja vit at siga hjartanas takk fyri stóru undirtøkuna til stuðulstiltakið til frama fyri skúlaverkætlaninar hjá báðum felagsskapunum.

Samstundis ynskja vit at takka øllum tónleikarunum, listafólki, hjálparfólki og øllum stuðlum. Ein serstøk tøkk til Norðurlandahúsið og Rás 2 fyri at skapa góðar karmar rundanum tiltakið.

Stuðulstiltakið gav góðar 270.000 kr. Endaliga upphæddin verður kunngjørd í næstu viku.

Les meira á Care for Rural and Deprived Children

Myndatakari: Álvur Haraldsen, Sosialurin.

Ring inn og stuðla

Written by runa on 04/05/2009. Posted in Uncategorized

Heilt fram til sunnudagin 10. mai kanst tú, við at ringja inn, stuðla skúlaverkætlanum í Liberia og  hjá og ABC barnahjálp og ganesiska felagsskapinum CRUDEC.

Soleiðis kanst tú stuðla:
      
Ring til 90 56 57

Tú kanst ringja til 90 56 57 og harvið lata 100 kr.

Nú er lætt at stuðla

Ring 90 56 05 og
tú hevur latið kr. 100
til Føroysku barnahjálpina

Tú kanst eisini stuðla við at nýta PayPal knøttin í bjálkanum omanfyri

Konta í Norðoya Sparikassa
9865-103.480.9