Seinastu seks árini hava føroysk stuðulsforeldur í gjøgnum ABC barnahjálp stuðla børnum í Senegal og Liberia, og nú er eisini møguleiki at stuðla børnum í Pakistan.

Gunnvá fekk eitt hugskot og gjørdi tað til veruleika.
“Mamma, vit burdu gjørt eitt Tombola, og givið pengarnar til ABCbarnahjálp!” Og so fór hon í sving, at baka piparnøtur og gera tombolaseðlar. Og seinni sama dag stóð hon so uttanfyri Heygabúðina í Klaksvík við sínum lítla tombola.

Inn komu nærum 200 kr, sum fara allar til ABCbarnahjálp.

Jú, vit kunnu øll gera mun 🙂

Ynskir tú at stuðla, kanst tú nýta PayPal knøttin í høgru síðu á framsíðuni ella flyta pening á kontu í Norðoya Sparkikassa 9865-103.480.9.

Skrivað hevur Hilda Viderø

(Trýst á myndina fyri at gera hana størri)

Gev tær stundir at lesa hesa rørandi søgu frá filippinsku Marithy,
sum fekk stuðul til skúlagongd, nú sjálv er mamma og hevur eitt gott lív.

Nina Dalsgaard, sum í fleiri ár stuðlaði Marithy, hevur samband við hana enn.

Nina ynskir at fortelja søguna fyri at vísa á, at tann “lítla” hjálpin veruliga munar.

Ræðuliga Ebola sóttin herjar í Liberia, har ABC barnahjálp rekur eitt barnaheim við meira enn 50 fólkum, har av 28 børnum undir 18 ár.

Vit gera alt vit kunnu fyri at verja tey og á myndini síggja vit nøkur teirra við undirvísingartilfari um Ebola.

Hjálp okkum at hjálpa teimum við at flyta pening á konto í Bank Nordik 6460 -175.789.1. Merk flytingina “Heilivágur”.

Hjartans takk fyri stuðulin.

Leygardagin 29. mars mugu klaksvíkingar minnast til at hava pening tøkan, tí tá skipar ABC barnahjálp fyri hurð til hurð innsavning í Klaksvík. Tað vera børn saman við vaksnum, sum frá klokkan 13.00 fara at savna inn undir heitinum Børn hjálpa børnum

ABC barnahjálp heitir á foreldur í Klaksvík um at tekna seg at hjálpa til við innsavningini saman við børnum sínum. Innsavningin er eitt gott høvi hjá foreldrum at gera nakað øðrvísi og gott saman við børnunum.

Við hvørt mánaðarskifti er tað okkum ein gleði at síggja, hvussu trúliga einstaklingar og fyritøkur stuðla ABC barnahjálp.

– Fyri mong børn er lívið merkt av órættvísi, tí lívsins treytir eru, at tey fáa lív uttan sjálvi at hava møguleikan at velja hvar, ella saman við hvørjum, tey skulu liva, sigur Tóra við Keldu í ummæli sínum av einari heilt einastandandi myndaframsýning, sum læt upp í býráðshøllini í Klaksvík hósdagin 16. august.

Framsýningin verður opin í umleið tríggjar vikur.

Hendan gentan var eitt av mongu børnunum, sum myndamaðurin Bárður Lydersen hitti, tá hann var í Liberia. Tey hava ikki reint vatn, hon noyðist svong í song og foreldrini hava ikki ráð at lata hana fara í skúla.

Hósdagin 13. juni var Hilda Viderø gestur á Bylgjulongd í Lindini, har hon greiddi frá spennandi arbeiðinum í Libera.

Myndaframsýningin “Acre of hope – all lives have equal value” læt upp í hølum hjá ABC barnahjálp á Laugavegi 103 í Reykjavík í, fríggjadagin 21. juni.