Føroyska barnahjálpin

Roknskapir

Okkurt er hent við heimasíðuni, so sumt er ikki at finna. Tí leggja vit slóð til roknskapirnar út her.

Trýst her >>>

Jólagávur til børn í Nigeria

Tann 21. desember samlaði starvsfólkið í Nigeria øll stuðulsbørnini og foreldur teirra til eina jólaveitslu. Øll fingu gávu og mat heim við til familjuna fyri pengarnar, sum komu inn til jólagávur. Foreldrini vóru so hjartaliga glað og eru sera takksom fyri føroysku stuðlarnar.

Hjálp til Ukraine

Stuðulskonsertin í Løkshøll í apríl, gav 25.000 krónur til Ukraine. Av tí, at vit ikki hava sent pening til Ukraine áður, gjørdu vit av fyrst at senda 1000 USD, sum er góðar 6000 krónur.

Væleydnað stuðulskonsert

Leygardagin, 9. apríl, skipaði Føroyska barnahjálpin fyri stuðulskonsert í sambandi við 15 ára stovningardagin. Inn komu 50.000 krónur. Helvtin av innkomna peninginum fer til neyðstødd børn í Ukraine. Framvegis ber til at stuðla við at flyta pening á kontu 9865 – 3113951.

Barnahjálpin 15 ár

Hin 25. novembur í 2006, boðaði íslendska Guðrún Margrét Pálsdóttir, leiðari og stovnari av ABC barnahjálp í Íslandi, til fundar í Miðlhúsinum í Havn. Endamálið við fundinum var at stovna ABC barnahjálp í Føroyum. Sama dag varð ein nevnd sett at taka sær av arbeiðinum.

F.v.: Guðrún Margrét Pálsdóttir, leiðari fyri ABC barnahjálp
í Íslandi, Karsten Hansen, Rúna Sivertsen og Hjørdis Petersen

Ijeoma á ferð í Nigeria

Í februar mánaða, fór Ijeoma til heimland sítt at vitja verkætlanina hjá Barnahjálpini. Hon sigur, at tað var sera gevandi at síggja tann munin, sum vit gera fyri hvørt einstakt av hesum børnunum.

Hjálp til neyðstødd børn í Ukraine

Føroyska Barnahjálpin hevur gjørt av at senda fíggjarligan stuðul til neyðstødd børn í Ukraine, sum eru rakt av krígnum í landinum.

Stuðulskonsert í Løkshøll

Leygardagin 9. apríl klokkan 16:00, verður stór stuðulskonsert í Løkshøll til frama fyri Føroysku Barnahjálpina og Ukraine. Konsertin er í sambandi við, at tað eru liðin 15 ár, síðani Barnhjálpin varð stovnað. Helvtin av innkomna peninginum fer til hjálp til neyðstødd børn Ukraine.

Stuðul frá børnum í skúlanum Argjahamri

Sjeyndu flokkar á Argjahamri savnaðu í fjør pening inn til Barnahjálpina og Barnabata. Barnahjálpin sendi peningin, 18.500 kr., til Filipsoyggjarnar, har tey hava bygt tvey flokshølir aftrat fyri peningin.

Skaði á skúla á Filipsoyggjunum

Ein av skúlunum hjá ABC Children’s Aid á Filipsoyggjunum, sum Føroyska barnahjálpin samstarvar við, fekk skaða, tá ódnin Rai herjaði har um miðjan desember.