Søga

Í novembur mánaða 2006 kom íslendska Guðrún Margrét Pálsdóttir, leiðari av ABC barnahjálp í Íslandi, til Føroyar at greiða frá ABC barnahjálpararbeiðinum. Endamálið við ferðini var at stovna ABC barnahjálp í Føroyum. Leygardagin 25. novembur 2006 boðaði hon til kunnandi fund í Miðlahúsinum í Havn.

F.v.: Guðrún Margrét Pálsdóttir, leiðari fyri ABC barnahjálp
í Íslandi, Karsten Hansen, Rúna Sivertsen og Hjørdis Petersen

Fimtan fólk møttu á fundinum, flestu teirra úr Klaksvík. Ætlanin var at finna umboð til nevnd fyri ABC Føroyar á kunnandi fundinum. Men av tí at ikki nóg breið uppmøting var til fundin, varð gjørt av at bíða. Fyribils varð sett ein trímannanevnd, sum fekk til uppgávu at finna nevndarlimir ymsastaðni úr landinum.

Í trímannanevndina vórðu vald Rúna Sivertsen, Karsten Hansen og Hjørdis Háberg Petersen.

Tað stóð ikki á at manna nevndina, sum hevði sín fyrsta fund tann 11. desembur 2006, og skipaði hon seg soleiðis: Rúna Sivertsen, forkvinna, Rúni Hentze, næstformaður, Karsten Hansen, peningarøkil, Margreth Olsen, skrivari,  Beinta Háberg Jacobsen, Maibritt Fredriksberg og Hilda Viderø.

Broytingar í 2015

Orsakað av broytingum í íslendska felagsskapinum, gjørdi føroyska nevndin av at broyta viðtøkur og navn og gerast sjálvstøðugur føroyksur felagsskapur.

Í juni 2015 vórðu viðtøkurnar broyttar, og felagsskapurin fer nú at virka undir hjánavninum Føroyska barnahjálpin og er nú sjálvstøðugur føroyskur hjálparfelagsskapur. Hjálparbeiðið er óbroytt og heldur fram á sama hátt, sum frammanundan

Barnahjálpin, sum felagsskapurin oftast hevur verði kallaður, stuðlar umleið 200 einstøkum børnum í ávíkavist Liberia, Senegal, Pakistan og á Filipsoyggjunum. Nakað av stuðli verður eisini sent til India og Kenja.

 

Nú er lætt at stuðla

Ring 90 56 05 og
tú hevur latið kr. 100
til Føroysku barnahjálpina

Tú kanst eisini stuðla við at nýta PayPal knøttin í bjálkanum omanfyri

Konta í Norðoya Sparikassa
9865-103.480.9