Heimasíðan hjá Føroysku barnhjálpini

Ein tími um árið

June 25th, 2011 Posted in Uncategorized

Fríggjadagin 10. juni var Rúna Sivertsen og skrivaði undir avtalu við “Ein tími um árið” um stuðul. Tað var av allarbesta summarveðri henda dagin, so avtalan varð undirskrivað uttandura.

Read the rest of this entry »

Børn, sum vilja hjálpa

June 24th, 2011 Posted in Uncategorized

Hesi røsku børnini, sum ganga í 4. og 5. flokki í Hvalvíkar skúla,savnaðu fyrr í ár 2357 krónur inn til tiltakið Ein Tími um Árið. Pengarnir fingu seks børn hjá ABC barnahjálp í Liberia.

Read the rest of this entry »

Hvussu tú kanst hjálpa børnum í neyð

June 18th, 2011 Posted in Uncategorized

Føroysk stuðulsforeldur stuðla gjøgnum ABC barnahjálp 40 børnum og skúlaungfólki í Liberia.

Read the rest of this entry »

Samrøða í Góðan morgun Føroyar

April 15th, 2011 Posted in Uncategorized

Hósdagin 14. apríl gjørdi Góðan morgun Føroyar samrøðu við Rúnu Sivertsen og Hildu Viderø.

Samrøðan kann hoyrast á hesari slóðini:

http://kringvarp.fo/fo-FO/Archive_Articles/2011/04/14/ABC-pengar%20f%C3%B3ru%20til%20sk%C3%BAla%20%C3%AD%20Liberia.aspx

Skúlin fer ongan veg

April 8th, 2011 Posted in Uncategorized


Peningurin, sum landsstýrið hevur latið til skúlabygging í Liberiaer nýttur at byggja skúla við. Tískil er eingin peningur farin fyri skeyti, sum tíðindasendingin í Degi & Viku í gjárkvøldið fekk tað til

Read the rest of this entry »

Hilda aftur til Monrovia

April 7th, 2011 Posted in Uncategorized

Leygardagin fer Hilda Viderø aftur til Monrovia í Liberia at vitja fittu børnini á myndini.

Read the rest of this entry »

Framtíðin hjá børnunum er trygg

February 14th, 2011 Posted in Uncategorized

Tað er eingin ivi um framtíðina hjá børnunum í Liberia, sum føroyingar longu í rúma tíð hava stuðlað gjøgnum ABC barnahjálp. Børnini ganga í skúla í Monrovia. Tey eru trygg og hava tað gott

Tíðindaskriv

Hóast ABC barnahjálp hevur rent seg í trupulleikar í sambandi við bygging av skúlanum uttan fyri Monrovia, er eingin ivi um framtíðina hjá liberisku børnunum, sum verða stuðlað av føroyskum stuðulsforeldrum.

Dimmalætting skrivaði leygardagin, at framtíðin hjá børnunum er óviss. Men tað er ikki rætt. Børnini fara framhaldandi at fáa stuðul frá ABC barnahjálp.

ABC barnahjálp hevur rent seg í trupulleikar í sambandi við byggingina av skúlanum, og hesar royna vit nú at loysa. Men líka mikið hvat endin verður av tí ósemjuni, so fer fer ABC barnahjálp framhaldandi at taka sær av børnunum og tryggja teimum góð lívskor, skúlagongd og útbúgving. Børnnini búgva í góðum leigaðum hølum og ganga í skúla í býnum. Seks vaksin fólk eru um tey og taka sær av teimum og ABC barnahjálp hevur samband við tey dagliga. Hilda Viderø er settur leiðari fyri verkætlanini í Liberia. Hon vitjar javnan í Monrovia fyri at tryggja, at børnini hava tað gott og at peningurin verður brúktur til tað, sum hann er ætlaður til.

Endamálið hjá ABC barnahjálp er fyrst og fremst at útvega fátækum børnum í menningarlondum varandi hjálp við skúla, útbúgving og læknahjálp. Og hóast vit hava rent okkum ímóti, so sleppa vit ikki endanum av tí orsøk. Í løtuni stuðla føroysk stuðulsforeldur 34 børnum og ungum í Monrovia í Liberia og umleið 80 børnunum í Dakar í Senegal.

Ein tími um árið stuðlar ABC barnahjálp

February 6th, 2011 Posted in Uncategorized

 

 

 

 

Aftur í ár fær ABC barnahjálp stuðul frá átakinum, Ein tími um árið. Tað verða seks børn í Liberia, sum fáa stuðulin. Ì fjør fekk ABC barnahjálp útvið 65.000 við hesum einastandandi tiltaki

 

Tíðindaskriv    

                                                                                                   

Átakið Ein tími um árið hevur nú gjørt av, hvørjar verkætlanir tey ynskja at stuðla í ár.

Tær fyrstu 30.000 krónurnar í tímalønum fara til Rumenia verkætlanina hjá Tekniska Skúla við Bjarna Prior. Næstu tímalønirnar fara til “okkara” børn í Liberia, sum ABC barnahjálp, sum tekur sær.

 

Av ávísum ørsøkum eru fimm av teimum seks børnunum, sum ABC barnahjálp í fjør valdi út at fáa stuðulin frá Ein tími um árið, ikki longur undir veingjabreiði ABC barnahjálpar. Bara 13 ára gamli Wilfred er eftir. Tí hevur verið neyðugt at velja fimm onnur børn og ung út, sum nú njóta gott at stuðlinum, sum kom inn í fjør frá Ein tími um árið. Stuðulin í fjør var yvir 64.000 krónur. Hesin stuðul kom sera væl við hjá ABC barnahjálp.

 

ABC barnahjálp harmast um børnini, sum vit ikki longur náa, men vit gleðast um tey, sum vit hava møguleika at hjálpa. Børnini og tey ungu undir veingjabreiði ABC barnahjálpar hava tað gott og trívast væl. Tey eru ógvuliga glað og takksom um hjálpina, tey fáa úr Føroyum.

 

Stuðulin, sum kom inn frá Ein tími um árið í fjør røkkur til seks børn í umleið 2½ ár. 

 

Børnini búgva í góðum íbúðum í Monrovia, sum  ABC barnahjálp leigar. Tey hava tað gott og trívast væl.

 

Tey smærru børnini rokna við verða hjá ABC minst 10 ár. Tey størru fara helst at klára seg sjálvi nakað fyrr, men vit vænta at tey verða longur enn 2½ ár. 20 ára gamla gentan skal hava eina útbúgving, men enn gongur hon í skúla.

 

ABC barnahjálp ansar væl eftir, at allur stuðul verður nýttur til rætta endamálið. Hilda Viderø vitjar javnan í Liberia. Í fjør var hon tvær ferðir og vitjaði børnini og aftur í januar í ár var hon í Liberia í eina lítla viku. Ætlanin er at vitja aftur í Liberia einaferð í summar.

 

ABC barnahjálp takkar hjartaliga fyri stuðulin og ynskir Ein tíma um árið góða eydnu við tiltakinum.

 

Les meira um átakið Ein tími um árið á www.eintimi.com

 

Myndatekstur:

 

Tey seks børnini og ungu, sum Ein tími um árið stuðlar.  

Frá vinstru:

Blessing Andrew, fyllir 11 ár 1. mai.

Marthalyn Juasemia, 20 ára gomul.

Wilfred Johnson, fyllir 14 ár 15. juli

Rachael Clarke, fyllir 11 ár 27. februar

Eddie Blayee, fyllir 5 ár 26. apríl

Jacob Blayee, fyllir 5 ár 26. apríl

 

Stuðla barni í neyð – ger mun í dag

May 3rd, 2010 Posted in Uncategorized

 

 

 

 

Fyri minni enn 7 krónur kanst tú geva einum barni eina framtíð.

 

Sum stuðulsforeldur ert tú við til at hjálpa einum barni, sum annars ongan møguleika hevur at fáa skúlagongd.

 

Tú kanst geva einum barni tað, sum øll børn hava brúk fyri, umsorgan, kærleika og eina framtíð.

 

DRÁLA ikki, men ring til okkara í dag á telefon 222585 ella 282585.

 

www.barnahjalp.fo

abc@barnahjalp.fo

 

Uttanríkisráðið gevur ABC flugunet

April 25th, 2010 Posted in Uncategorized

Altjóða Malariadagur er í dag, 25. apríl. Tað er Heimsheilsustovnurin undir Sameindu Tjóðum, WHO, sum hevur samtykt hetta. Føroyar taka lut í hesum átaki við at varpa ljós á sjúkuna malaria. Hetta verður gjørt við at lata flugunet, – eisini kallað moskitonet, til skúlaungdómar í Liberia, Ghana, Sierra Leona og Kambodia. Talan er um fýra ymsar menningarverkætlanir, har føroyskir hjálparfelagsskapir virka saman við Uttanríkisráðnum.

 

Endamálið við tiltakinum er at fyribyrgja malariasjúkuni, sum verður borin gjøgum flogkykt.
Hvørt ár fáa um 500 milliónir fólk malaria og meiri enn ein millión fólk doyggja av sjúkuni. Av teimum eru flest fátækar kvinnur og børn. Nógv verður granskað í sjúkuni, sum eisini hevur álvarslig búskaparlig árin, men enn er ikki eydnast at gera koppingarevni ímóti sjúkuni. Sjúkan rakar harðast í Afrika, men fólk í Asiu, Miðeystri, Suður Amerika og í pørtum av Evropa verða eisini rakt.

Hetta er triðja árið, at Altjóða Malariadagur er. Dagurin verður hildin runt um allan heim, har ljós verður varpað á evnið við ráðstevnum, fyrilestrum og øðrum upplýsandi tiltøkum