Um stuðul

Fyri at tað skal vera so bíligt sum møguligt at vera faddur hjá Føroysku barnahjálpini, verður miðað eftir at fáa so nógva sjálvbodna arbeiðsmegi sum gjørligt.

Virksemið er vaksið nógv seinastu árini og økir tað um krøvini til raksturin. Nevndin hevur tí gjørt av at taka 7 prosent av innkomnum stuðli til raksturin. Umframt kemur nakað av peningin inn frá fyritøkum og einstaklingum beinleiðis til raksturin. 

  • Føroyska barnahjálpin ætlar at røkka sínum endamáli við at leita sær sjálvbodna hjálp og stuðul frá so nógvum, sum vilja hjálpa til.
  • At fáa so nógv sjálvboðin til at gera arbeiðið á teimum økjum, har tað er gjørligt
  • At fáa til vega pening við gávum frá virkjum og einstaklingum og gjøgnum ymisk tiltøk.

Høvuðsendamálið hjá Føroysku barnahjálpini er at stuðla børnum í tilafturskomnum londum við hjálp til skúlagongd og útbúgving.

Við stuðli frá føroyskum stuðulsforeldrum stuðlar Barnahjálpin tilsamans 455 børnum í seks ymiskum londum. Londini eru Filipsoyggjarnar, India, Kenja, Liberia, Pakistan og Senegal. Øll hesi lond eru á listanum hjá ST yvir menningarlond, sum hava tørv á stuðli.

Í Liberia stuðlar Barnahjálpin 160 børnum. Liberia er hart rakt av borgarakríggi, AIDS og Ebola. Miðaladurin er bara 18-19 ár, so meginparturin af fólkunum eru ung og óroynd. Ein stórur partur av fólkinum livir í fátækradømi og hava ikki ráð til skúlagongd.

Barnahjálpin stuðlar eisini 80 børnum í Sengali við skúla og útbúgving.

Í Kenja stuðla føroysk stuðulforeldur 65 børnum við skúla og útbúgving. 

Í Pakistan stuðla føroysk stuðulsforeldur 70 børnum við skúla og útbúgving. 

Á Filipsoyggjunum stuðla føroysk stuðulsforeldur 80 børnum við skúla og útbúgvi

Nú er lætt at stuðla

Ring 90 56 05 og
tú hevur latið kr. 100
til Føroysku barnahjálpina

Tú kanst eisini stuðla við at nýta PayPal knøttin í bjálkanum omanfyri

Konta í Norðoya Sparikassa
9865-103.480.9