Tíðindaskriv

ABC barnahjálp fer framyvir at virka undir hjánavninum Føroyska barnahjálpin og er nú sjálvstøðugur føroyskur hjálparfelagsskapur. Hjálparbeiðið er óbroytt og heldur fram á sama hátt, sum frammanundan

Á páskum 2016 skipar Føroyska barnahjálpin eina ferð til Filispoyggjarnar. Á ferðini fara vit at vitja skúlar og áhugaverd støð.

Í desember 2015, fekk Martin Tutu prógv sum lærari. Hann er fyrsti unglingi í Barnahjálpini, sum hevur fingið hægri útbúgving. Vit eru errin av honum og gleðast um, at tað hevur eydnast honum at koma so langt.

Í apríl mánaða vóru Hilda Viderø og maður hennara, Jóhannes, á vitjan á Filipsoyggjunum.

Í samstarvi við Maranatha Social Organisation stuðlar ABC barnahjálp nú børnum í India. Fólkið har livir í stórum fátækradømi og 95 prosent av fólkinum liva undir fátækramarkinum.

Fiskimenn í Monrovia hjálpa til við útbering av rísi til ebolaraktu familjurnar niðri við strondina. Teir hava føroyska merkið á bátinum, blusunum og hava eisini vundið føroyska merkið á stong.

Annie 3 ár,  Zebede 5 ár,  Yeahbylin 6 ár,  Blessing 7 ár, Carlos 9 ár og Cyntia 16 ár hava brúk fyri hjálp. Foreldrini hjá teimum doyðu av Ebola. Fólk eru bangin at hjálpa, tí tey halda, at tey blíva smittað av ebola. Vit í ABC vilja gjarna hjálpa hesari familjuni og vit hava brúk fyri tær.

Takkarbræv fyri tykkara hjálp!

Góðu sponsorar og leiðarar í ABC barnahjálp Føroyar.

Eg beri hesa heilsan vegna børnini og starvsfólkini í ABC Liberia. Vit eru Harranum ógvuliga takksom fyri, at vit eru á lívi í hesi ræðuligu ebolakreppu. Júst nú er framgongd, grundað á úrslitini hjá Ebola Taskforce. Deyðiligheitin er lækkandi, og færri sjúklingar eru á sjúkrahúsunum kring landið.
20. desember var stjórnarval, sum er ein ábending um, at støðan við ebola er batnandi.

Seinastu seks árini hava føroysk stuðulsforeldur í gjøgnum ABC barnahjálp stuðla børnum í Senegal og Liberia, og nú er eisini møguleiki at stuðla børnum í Pakistan.

Gunnvá fekk eitt hugskot og gjørdi tað til veruleika.
“Mamma, vit burdu gjørt eitt Tombola, og givið pengarnar til ABCbarnahjálp!” Og so fór hon í sving, at baka piparnøtur og gera tombolaseðlar. Og seinni sama dag stóð hon so uttanfyri Heygabúðina í Klaksvík við sínum lítla tombola.

Inn komu nærum 200 kr, sum fara allar til ABCbarnahjálp.

Jú, vit kunnu øll gera mun 🙂

Ynskir tú at stuðla, kanst tú nýta PayPal knøttin í høgru síðu á framsíðuni ella flyta pening á kontu í Norðoya Sparkikassa 9865-103.480.9.

Skrivað hevur Hilda Viderø

(Trýst á myndina fyri at gera hana størri)